नवी मुंबई महानगरपालिकेच्या वतीने महापालिका क्षेत्रातील अतिक्रमणे आणि अनधिकृत बांधकामे यावर धडक कारवाई करण्यात येत असून अतिक्रमण विभागामार्फत कोपरखैरणे विभागामध्ये सेक्टर 6 येथील रूम नंबर 886 व 916 याठिकाणी महानगरपालिकेची कोणतीही पूर्व परवानगी न घेता अनाधिकृतपणे बांधकाम सुरू होते. या बांधकामास कोपरखैरणे विभाग कार्यालयामार्फत महाराष्ट्र प्रादेशिक नियोजन व नगररचना अधिनियम, 1966 मधील कलम 54 अन्वये नोटीस बजावण्यात आलेली होती. नोटीशीस अनुसरून हे अनाधिकृत बांधकाम संबंधितांनी स्वत:हून हटविणे आवश्यक होते. परंतू त्यांनी अनाधिकृत बांधकाम सुरूच ठेवले होते.

       या अनाधिकृत बांधकामावर कोपरखैरणे विभागामार्फत धडक मोहिमेचे आयोजन करण्यात येऊन हे अनाधिकृत बांधकाम निष्कासित करण्यात आले. कोपरखैरणे विभागातील अधिकारी, कर्मचारी यांनी 8 मजूर, 1 ब्रेकर व 1 गॅस कटर यासह ही मोहिम राबविली.