नवी मुंबई महानगरपालिका विभाग कार्यालय ‌घणसोली कार्यक्षेत्रातील जिजामाता रस्त्यालगत, गावदेवीवाडी, व जिजामाता नगर, समर्थनगर, घणसोली या ठिकाणी आरसीसी जोत्याचे बांधकाम प्रगतीपथावर असलेल्या दोन्ही इमारतींचे नवी मुंबई महानगरपालिकेची कोणतीही पुर्व परवानगी न घेता अनधिकृत पणे बांधकाम सुरू होते. सदरील दोन्ही अनधिकृत बांधकामांस घणसोली विभागामार्फत महाराष्ट्र प्रादेशिक नियोजन व नगररचना अधिनियम 1966 मधील कलम 54 अन्वये नोटीस बजाविण्यात आलेली होती. सबंधितांनी केलेले अनधिकृत बांधकाम स्वत:हून हटविणे आवश्यक होते. परंतू त्यांनी सदर ठिकाणी अनधिकृत बांधकाम सुरू ठेवले होते.

      सदर अनधिकृत बांधकामावर घणसोली विभागामार्फत तोडक मोहिमेचे आयोजन करण्यात आलेले होते. त्यानुसार सदर अनधिकृत बांधकाम निष्कासित करण्यात आलेले आहे. या धडक मोहिमेसाठी घणसोली विभागातील अधिकारी / कर्मचारी, मजूर-11, जेसीबी मशिन -1, ब्रेकर-2, गॅस कटर-1 तसेच अतिक्रमण विभागाकडील पोलीस पथक तैनात होते.

यापूढे देखील अशाप्रकारे कारवाई तीव्र करण्यात येणार आहे.