नवी मुंबई महानगरपालिका कार्यक्षेत्रातील कोपरखैरणे विभागांतर्गत घर क्रमांक 1337/03,1337/05, सेक्टर-12, बोनकोडे गाव, कोपरखैरणे याठिकाणी महानगरपालिकेची कोणतीही पुर्व परवानगी न घेता अनधिकृतरित्या बांधकाम चालू केले होते. त्यामुळे सदर बांधकाम धारकांना दिनांक 22 फेब्रुवारी 2022 रोजी महाराष्ट्र प्रादेशिक नियोजन व नगररचना अधिनियम, 1966 मधील कलम 54 अन्वये नोटीस बजावण्यात आलेल्या होत्या.

त्यानुसार कोपरखैरणे विभागामार्फत तोडक मोहिमेचे आयोजन करण्यात येऊन सदर अनधिकृत बांधकाम निष्कासित करण्यात आले. या धडक मोहिमेसाठी कोपरखैरणे विभागाकडील अधिकारी/कर्मचारी, 07 मजूर, 01 गॅस कटर,  1 पीकअप व्हॅन  व 1 जे.सी.बी चा वापर करण्यात आला.

त्याचप्रमाणे जी विभाग ऐरोली अंतर्गत ऐरोली गांव येथे जी + 2 इमारतीचे बांधकाम नवी मुंबई महानगरपालिकेची कोणतीही परवानगी न घेता अनधिकृतपणे सुरु केले होते. सदर अनधिकृत बांधकामास ऐरोली विभागामार्फत महाराष्ट्र प्रादेशिक नियोजन व नगररचना अधिनियम 1966 मधील कलम 54 अन्वये नोटीस बजाविण्यात आलेली होती. संबधितांनी केलेले अनधिकृत बांधकाम स्वत:हून हटविणे आवश्यक होते. परंतु त्यांनी अनधिकृत बांधकाम सुरु ठेवेले होते. 

सदरचे अनधिकृत बांधकामावर ऐरोली विभागामार्फत तोडक मोहिमेचे आयोजन करुन करण्यात आलेले अनधिकृत बांधकाम निष्कासित करण्यात आले.  या धडक मोहिमेसाठी 06 मजूर, 01 गॅसकटर, 02 इलेक्ट्रीक हॅमर व जी विभाग ऐरोली येथील अधिकारी/कर्मचारी तसेच अतिक्रमण विभागाचे पोलिस पथक उपस्थित होते. 

यापुढे देखील अशा प्रकारे कारवाई तीव्र करण्यात येणार आहे.