नवी मुंबई महानगरपालिका कार्यक्षेत्रातील बेलापूर विभाग कार्यालयांतर्गत नवी मुंबई महानगरपालिकेची कोणतीही परवानगी न घेता अनधिकृतपणे दिल्ली पब्लिक स्कूल यांनी भूखंड क्र. 02, से. 52 नेरुळ, नवी मुंबई येथे अनधिकृत बांधकाम काम पूर्ण केले आहे. या अनधिकृत बांधकामास बेलापूर विभाग कार्यालयामार्फत महाराष्ट्र प्रादेशिक नियोजन व नगररचना अधिनियम 1966 मधील कलम 53 (1) व 55 अन्वये नोटीसा बजाविण्यात होत्या. त्यानुसार संबधितांनी हे अनधिकृत बांधकाम स्वत:हून हटविणे आवश्यक होते. तथापि त्यांनी ते न हटविल्याने धडक कारवाई करत बेलापूर विभाग कार्यालयामार्फत तोडक मोहिमेचे आयोजन करुन हे अनधिकृत बांधकाम निष्कासीत करण्यात आलेले आहे.

              त्याचप्रमाणे सेक्टर 15, सीबीडी बेलापूर येथील स्टार नाईट हॉटेल, पाम बिच प्राईड हॉटेल, बेबो हॉटेल व 06 दुकाने यांच्यामार्फत शेड टाकून सामासिक जागेचा वापर (मार्जिनल स्पेस) करण्यात येत होता त्यानाही नोटीसा बजावण्यात आल्या होत्या त्यानूसार संबधितांनी या अनधिकृत शेड स्वत:हून हटवून सामासिक जागेजा वापर थांबविणे आवश्यक होते तथापी त्यांच्यामार्फत या नोटीशींची दखल न घेतली गेल्यामुळे त्यांचे अनधिकृत शेड / पावसाळी शेड निष्कासित करण्यात आलेले आहे.

          ही धडक मोहीम अतिक्रमण विभागाचे उपआयुक्त्‍ डॉ. राहुल गेठे यांच्या मार्गदर्शनानुसार, बेलापूर विभागाचे सहा आयुक्त्‍ तथा विभाग अधिकारी श्री. शशिकांत तांडेळ यांच्या नियंत्रणाखाली राबविण्यात आली. यामध्ये प्रशासकीय अधिकारी श्री. रमेश राठोड, उपअभियंता श्री. रोहित ठाकरे आणि अधिकारी कर्मचारी यांच्या समवेत 8 मजूर, तसेच 1 जेसीबी आणि तसेच अतिक्रमण विभागाकडील पोलीस तैनात होते. यापुढील काळातही अशाप्रकारे अतिक्रमण विरोधी कारवाई तीव्र स्वरुपात राबविण्यात येणार आहे.