बालकांचा मोफत व सक्तीचा शिक्षणाचा हक्क अधिनियम 2009 मधील कलम 12 (1) नुसार सन 2021-22 शैक्षणिक वर्षाकरीता अल्प संख्यांक शाळावगळून मान्यता प्राप्त खाजगी प्राथमिक शाळांध्ये वंचित गटातील व दुर्बल घटकातील विद्यार्थ्यांना इयत्ता 1ली किंवा पूर्व प्राथमिक वर्गात 25% आरक्षणाची तरतूद करण्यात आलेली आहे.

      त्यानुसार सन 2021-22 या शैक्षणिक वर्षामधील नवी मुंबई महानगरपालिका कार्यक्षेत्रातील प्रवेशासाठीच्या पात्र शाळांची यादी, शाळेचा प्रवेशस्तर, आर.टी.ई. प्रवेशाची क्षमता व मदत केद्रांची यादी www.nmmc.gov.in या संकेत स्थळावर उपलब्ध करुन देण्यात आलेली आहे. तसेच सदर माहिती शासनाच्या www.student.maharashtra.gov.in या संकेत स्थळावरही उपलब्ध आहे.

     पालकांनी आपल्या पाल्याचे अर्ज दिनांक 03 मार्च 2021 ते 21 मार्च 2021 पर्यंत ऑनलाईन स्वरुपात www.student.maharashtra.gov.in या संकेतस्थळावर दिलेल्या मार्गदर्शक सुचनानुसार दाखल करावयाचे आहेत.