नवी मुंबई महानगरपालिकेच्या वतीने ‘स्वच्छ सर्वेक्षण 2019’ अंतर्गत 6 जानेवारी रोजी आयोजित करण्यात आलेल्या शालेय स्तरावरील स्वच्छताविषयक चित्रकला स्पर्धेत महानगरपालिकेच्या व खाजगी शाळांतील तब्बल 15 हजार 815 विद्यार्थ्यांनी सहभागी होत स्वच्छतेविषयीच्या आपल्या कल्पक संकल्पना चित्रांच्या माध्यमातून साकारल्या होत्या.

              महापालिका क्षेत्रातील 4 केंद्रांवर आयोजित या स्वच्छता चित्रकला स्पर्धेमध्ये इयत्ता 5 वी ते 7 वी च्या पहिल्या गटाकरिता “माझी शाळा – सुंदर शाळा, “माझा परिसर-स्वच्छ परिसर”, “स्वच्छ् शहर–हरित शहर” असे तीन विषय आणि इयत्ता 8 वी ते 10 वी या दुस-या गटातील विद्यार्थ्यांना “माझा कचरा–माझी जबाबदारी”, “कच-याचे वर्गीकरण आणि पुनर्वापर” व “स्वच्छ भारत अभियान माझा सहभाग” असे तीन विषय देण्यात आले होते.

            या अनुषंगाने आपल्या मनातील स्वच्छता संकल्पनांना 15 हजारहून अधिक विद्यार्थ्यांनी चित्रांतून रंग, आकार दिला. त्यामधून सर्वोत्तम चित्रे निवडण्यात आली असून प्रत्येक गटामध्ये पहिल्या 5 क्रमांकांना रु. 11 हजार, 9 हजार, 7 हजार, 5 हजार व 3 हजार याप्रमाणे पाच पारितोषिके आणि 5 उत्तेजनार्थ चित्रकृतींना प्रत्येकी रु.1 हजार रक्कमेची पारितोषिके स्मृतिचिन्हांसह प्रदान केली जाणार आहेत.

गट पहिला – इयत्ता 5 वी ते 7 वी

गट दुसरा – इयत्ता 8 वी ते 10 वी

      लवकरच या भव्य चित्रकला स्पर्धेचा पारितोषिक वितरण समारंभ संपन्न होणार असून त्याची तारीख जाहीर करण्यात येईल.