तुर्भे विभागात आयुक्तांचा स्वच्छता पाहणी दौरा

स्वच्छ सर्वेक्षण 2021 च्या अनुषंगाने महापालिका आयुक्त श्री. अभिजीत बांगर नवी मुंबई महानगरपालिका क्षेत्रात विविध विभागांना सकाळी लवकर भेटी देत शहर स्वच्छतेची प्रत्यक्ष पाहणी करीत असून त्यामुळे स्वच्छता कामांना गती लाभलेली दिसून येत आहे.
आज आयुक्तांनी तुर्भे विभागातील सानपाडा क्षेत्रात सानपाडागांव सेक्टर 5, सेक्टर 13, सेक्टर 14, 15, सेक्टर 1, सेक्टर 16, 16 ए, सेक्टर 19, सेक्टर 4, सेक्टर 2, सेक्टर 8 तसेच जुईनगर स्टेशन परिसर, सेक्टर 10 तसेच सेक्टर 21 तुर्भे अशा विविध भागांना भेटी देत रस्ते, पदपथ, नाले, तलाव, मार्केट, मैदाने, उद्याने यांची पाहणी केली व आवश्यक त्या ठिकाणी स्वच्छता वाढविण्याविषयी महत्वाच्या सूचना केल्या. यावेळी त्यांच्या समवेत प्रशासन व परिमंडळ 1 विभागाचे उप आयुक्त श्री. दादासाहेब चाबुकस्वार उपस्थित होते.
Published on : 17-03-2021 15:13:17,Posted by : Navi Mumbai ,Category : News and update