नवी मुंबई महानगरपालिका विभाग कार्यालय ‌घणसोली कार्यक्षेत्रातील ओमशंकर अपार्टमेंटच्यासमोर, रस्त्यालगत, अर्जूनवाडी, घणसोली, नवी मुंबई येथे व गौरी अपार्टमेंटच्या पाठीमागे, अर्जुनवाडी, घणसोली, नवी मुंबई याठिकाणी आरसीसी फुटींगचे बांधकाम नवी मुंबई महानगरपालिकेची कोणतीही पूर्व परवानगी न घेता अनधिकृतपणे सुरू केले होते. या अनधिकृत बांधकामांस घणसोली विभागामार्फत महाराष्ट्र प्रादेशिक नियोजन व नगररचना अधिनियम 1966 मधील कलम 54 अन्वये नोटीस बजाविण्यात आलेली होती. संबंधितांनी केलेले अनधिकृत बांधकाम स्वत:हून हटविणे आवश्यक होते. परंतू त्यांनी सदर ठिकाणी अनधिकृत बांधकाम सुरू ठेवले होते.

      सदर अनधिकृत बांधकामावर अतिक्रमण विभाग घणसोली विभाग यांचेकडून तोडक मोहिमेचे आयोजन करण्यात आलेले होते. त्यानुसार सदरील अनधिकृत बांधकाम पुर्णत: निष्कासित करण्यात आले आहे. या धडक मोहिमेसाठी घणसोली विभागातील अधिकारी / कर्मचारी, मजूर-12, गॅस कटर- 1, ब्रेकर-3 तसेच अतिक्रमण विभागाकडील पोलीस पथक तैनात होते.

यापूढे देखील अशाप्रकारे कारवाई तीव्र करण्यात येणार आहे.